“Serbia po provokon me vendosjen e trupave në kufi me Kosovën”. Kështu është shprehur ministrja e jashtme gjermane Annalena Baerbock, teksa ka dënuar sulmin terrorist në veri të Kosovës. Në një konferencë për mediat së bashku me ministrin e jashtëm Igli Hasani dhe komisionerin Oliver Varhelyi, Baerbock theksoi se hetimet për sulmin ndaj policisë së Kosovës duhet të vazhdojnë. “Provokimet e palës serbe përmes rritje së trupave në kufi me Kosovën e kanë nxehur situatën edhe më tej për këtë biseduam gjatë këtij takimi, ndodhi pas një sulmi tinëzar të një bande terroriste ndaj policisë Kosovës. Presim nga Serbia të çojë para hetimet dhe të kontribuojë në sqarimin e rrethanave të ngjarjes. Situata është aq e tensionuar sa NATO ka rritur praninë e KFOR dhe ne bëjmë të qartë se qëndrojmë vigjilentë dhe do kontribuojmë në afatgjatë për stabilitet”.