Nxënësit e shkollave fillore, në më shumë se gjysmën e 16 landeve të Gjermanisë, janë rikthyer në klasë pas pothuajse dy muajsh mësilini nga shtëpia. Ky përbën lehtësimin e parë të masave kufizuese në vend, të cilat synojnë të mbajnë nën fre hovin epidemic. Kopshtet janë hapur po ashtu. Vendimi u miratua në një takim në mes të kancelares gjermane, Angela Merkel dhe guvernatorëve shtetërorë pavarësisht shenjave se numri i të infektuarve me koronavirus mund të rritet sërish. Ministrja gjermane e Edukimit Anja Karliczek e mbrojti vendimin për rihapjen e shkollave duke argumentuar se fëmijët mësojnë më mirë kur janë në grupe. Por ajo shtoi se do të vazhdojnë të përdorin të gjitha mjetet e nevojshme në institucionet arsimore për të parandaluar përhapjen e virusit. Nxënësve u është kërkuar që të vendosin maskën nëpër klasa, ndersa dia fëmijë do të mund të vazhdojnë mësimin online, për të shmangur grumbullimin e një numri të madh fëmijësh në klasa. Është kërkuar aktualisht që në cdo klasë të instalohen pajisje për filtrim të ajrit. Deri më tani pak përparim eshte bere megjithatë në këtë drejtim dhe mësuesit detyrohen të hapin vazhdimisht dritaret për të shmangur infektimin.Gjermania do të mbetet në izolim deri në 7 mars, ndërsa parukeritë është thënë se do të mund të nisin punën nga 1 marsi.