Që nga pezullimi i rekrutimit në vitin 2011, Bundesëehr-it i mungojnë ushtarë. Në vend që të punësonte më shumë personel, Bundesëehri filloi të zvoglohet. Në mars, shkruan DË, statistikat regjistruan vetëm 181,123 rekrutë. Sipas planeve të ministrit të Mbrojtjes Boris Pistorius kjo tani duhet të ndryshojë. Premtimi i Gjermanisë për NATO-n: deri në vitin 2031, Bundesëehri duhet të numërojë 203.000 ushtarë, e më vonë ndoshta edhe 240.000. Ministri i Mbrojtjes Pistorius ka thënë vazhdimisht, se Bundesëehri duhet të bëhet më në fund "gati për luftë". Pistorius flet për një situatë të re kërcënuese. "Rusia po bën luftë," u tha ai gazetarëve në Berlin të mërkurën. Siç tha ai, Rusia do të jetë në gjendje të sulmojë një nga anëtarët e NATO-s në vitin 2029. Pistorius kaloi muaj për të përgatitur konceptin e tij për shërbimin e ri ushtarak që tani e prezantoi në Berlin. Megjithatë, nuk flitet më për shërbimin e detyrueshëm ushtarak: "Ne parashikojmë shërbimin selektiv ushtarak. Për shërbimin ushtarak duhet të zgjidhen më të përgatiturit, më të përshtatshëm dhe më të motivuarit", shpjegon Pistorius. Koncepti i Pistorius nuk përfshin rekrutimin e përgjithshëm ushtarak. Fillimisht, kërkesa e vetme është që 18-vjeçarët të plotësojnë një pyetësor. Ky është një detyrim për meshkujt, por jo edhe për gratë. Ata që kontaktohen duhet të shpjegojnë nëse në përgjithësi do të ishin të gatshëm të shërbenin në ushtri. Kjo do të zgjaste gjashtë muaj, me mundësi zgjatjeje deri në 23 muaj. Pistorius vlerëson se rreth 400.000 burra do të duhet të plotësojnë pyetësorin çdo vit. Ai shpreson që një e katërta e tyre mund të shfaqin interes. Është planifikuar që rreth 40.000 kandidatë të ftohen për provim, për kontroll të aftësive të tyre fizike dhe mendore. Pjesëmarrja në rast ftese është e detyrueshme. Sigurisht, e drejta për të refuzuar më pas shërbimin ushtarak ekziston ende. Ndërkohë, nëse pyet vetë gjermanët, ata thonë se vendi ka nevojë përsëri për shërbim ushtarak. Një sondazh i fundit i institutit të kërkimit të opinionit publik YouGov për të përditshmen "Ëelt am Sonntag" tregoi se 60 për qind e të anketuarve janë në favor të rekrutimit të