Edhe pse ishte deri më tani një skenar i paimagjinueshëë, Rusia nuk e përjashton mundësinë e përdorimit të armëve të vogla bërthamore, të njohura ndryshe si taktike, në Ukrainë, kjo dhe për shkak të disfatave të njëpasnjëshme që ushtria e saj është duke pësuar në front. Gazeta amerikane “Neë York Times” raporton se udhëheqësit ushtarakë rusë diskutuan së fundmi për përdorimin e këtyre armëve, ndërkohë që presidenti Vladimir Putin, nuk ishte pjesë e diskutimeve. Vetë fakti që krerët e Forcave të Armatosura të Federatës Ruse po diskutojnë për përdorimin e armëve bërthamore ka alarmuar administratën e presidentit Joe Biden sepse tregon se gjeneralët rusë janë jashtëzakonisht të frustruar nga dështimet e forcave të tyre në fushën e betejës. Sipas gazetës amerikane, kjo sugjeron se kërcënimet e Putinit për përdorimin e armëve bërthamore mund të mos jetë krejtësisht të pabaza. Të dhënat e inteligjencës amerikane për bisedat që u zhvilluan në qarqet ushtarake ruse mbërritën për herë të parë në mes të tetorit.