Gjermania ka shënuar nivelin më të ulët të rasteve të të infektuarve me koronavirus gjatë 2 javëve të fundit. Mesatarja 7 ditore e rasteve me covid 19 ra në 155 për 100.000 banorë, cka shënon një përmirësim të gjendjes , pasi herën e fundit kur ishte nën 160, ishte data 14 prill. Ndërkohë Gjermania është duke luftuar për të frenuar valën e tretë të pandemisë së koronavirusit, pasi disa rajone u futën në izolim m ëtë rreptë fundjavën e kaluar. Kjo, sepse kancelarja Angela Merkel ka hartuar një legjislacion që i jep Qeverisë federale më shumë kompetenca, pasi disa nga 16 landet gjermane kanë refuzuar të miratojnë masa më të ashpra kundër koronavirusit. Rregullat e reja përshijnë limite më të rrepta edhe për tubimet private. Shkollat duhet të mbyllen dhe mësimi të kalojë online nëse rastet me koronavirus kalojnë shifrën 165 për 100,000 banorë për tri ditë me radhë. Në 24 orët e fundit, autoritetet gjermane njoftuan se kanë regjistruar 24,700 raste të reja me koronavirus - gati 5,000 më pak se një javë më parë - dhe 264 viktima. Që prej nisjes së pandemisë Gjermania ka konfirmuar gjithsej mbi 3.3 milionë raste me koronavirus dhe 82,500 viktima.