– “Manja: Kur e ke tërheq? Strazimiri: Kë mo? Manja: Firmën Strazimiri: Si gjithë grupi parlamentar Manja: Jo mo pas datës 2 dhjetor, iku… Strazimiri: Edhe sikur të kisha vdekur unë Manja: Jo larg qoftë, ta kesh jetën e gjatë Strazimiri: Ti do ishe i detyruara të merrje vullnetin tim të fundit po të kisha vdekur unë.” Mes debatesh, komisioni i ligjeve vendosi t’i kalojë seancës plenare listën me gjashtë kandidatë për avokat popullit. Njëri prej tyre, ai që do të gëzojë mbështetjen e 84 deputetëve do të pasojë në detyrë Erinda Ballancën. Kryetari, Ulsi Manja parashtroi kandidaturat që kanë marrë mbështetjen e jo më pak se 28 deputetëve për t’u kualifikuar e për t’ju dërguar seancës plenare, megjithëse firmat janë tërhequr zyrtarisht nga Partia Demokratike. Qëndrimi i shumicës parlamentare është se kjo tërheqje është bërë në tejkalim të afateve ligjore.