Ish-këngëtari i One Direction, Zain Malik dhe modelja amerikane Gigi Hadid, janë bërë prindër të një vajze të shëndetshme dhe të bukur. Duke njoftuar për ngjarjen në twitter, 27 vjecari Malik, ndau një foto bardhë e zi të dorës së vogëlushes që kishte kapur gishtin e tij. “Dashuria që ndjej për këtë qënie të vogël njerëzore është përtej cdo imagjinate”, shkruante ai përkrah fotos. 25 vjecarja Hadid, konfirmoi në prill se ajo ishte në pritje të një fëmije, kur u shfaq në Tonight Show, me Jimmy Fallon. Ajo tha atëherë se ajo dhe malik, ishin shumë të lumtur dhe mirënjohës për urimet dhe mbështetjen e të gjithëve. Cifti është bashkë që nga fundi i 2015. Malik, është anëtari i tretë i One Direction që bëhet baba. Louis Tomlinson u bë baba i një djali në janar 2016 dhe Liam Payne, ka një djalë tre vjecar me këngëtaren Cheryl. Njoftimi për ardhjen në jetë të vogëlushes erdhi vetëm pak orë pasi këngëtari publikoi një pjesë të krijimit të parë të ri të tij që nga albumi i 2018-ës, Icarus Falls.