Ora e Apokalipsit shënon vetëm 90 sekonda larg mesnate, ose ndryshe larg nga katastrofa. Me luftën në Ukrainë dhe rikthimin e frikës së një tragjedie bërthamore, akrepat e orës së apokalipsit janë spostuar këtë vit përpara krahasuar me 100 sekondat e 2022, duke sinjalizuar afrimin e ditës së gjykimit për njerëzimin. “Jetojmë në një periudhë rreziku të paprecedenttë dhe ira e Apokalipsit reflekton këtë raelitet”, ka shpjeguar Rachel Bronson, numri një i Buletinit të shkencëtarëve atomikë, organizata që cdo vit mat pulsin e rreziqeve të një holokausti bërthamore e jo vetëm. Afrimi i Armagedonit ka ardhur në një pjesë të madhe për shkak të pushtimit rus të ukrainës dhe rrezikut në rritje të një përshkallëzimi bërthamor, por jo vetëm... – kanë thënë shkencëtarët. Qeveria amerikane, aleatët e saj të NATO-s dhe Ukraina, kanë kanale të shumëfishta dialogu. Iu kërkojmë liderëve ti eksplorojnë ato në mënyrë që të mundemi të kthejmë akrepat pas dhe të largohemi nga fundi – ka shtuar Bronson. Ora e apokalipsit lëshon alarmin për gjithë njerëzimin. Jemi në buzë të humnerës por liderët tani nuk reagojnë me një shpejtësi të mjaftueshme për të siguruar një planet të paqtë – ka thënë edhe ish komisionerja e lartë e OKB për të drejtat e njeriut Mary Robinson.