Ka nisur këtë të diel në Kosovë stërvitja më e madhe ushtarake ndërkombëtare ‘Defender Europe 23’. Në stërvitjen që udhëhiqet nga ushtria amerikane dhe që ka si qëllim rritjen e ndërveprimit mes partnerëve si dhe gatishmërinë operacionale të NATO-s dhe partnerëve për të reaguar në rast kërcënimi ndaj kontinentit të Evropës. Në ceremoninë e nisjes së stërvitjes morën pjesë edhe autoritetet më të larta të Kosovës, si presidentja Vjosa Osmani dhe kryeministri Albin Kurti, icili e cilëoi këtë si ngjarjen më të madhe të organizuar në vend. Qytetarët e Kosovës mundën të shohin nga afër një pjesë të njësive, pajisjeve dhe automjeteve të ushtrisë së vendit. Vlen të theksohet se Forcat e Sigurisë së Kosovës marrin pjesë për herë të dytë në një stërvitje të tillë, teksa këtë herë përfaqësohen me më shumë se 1300 trupa. Në total, pjesë e “Defender Europe 23” janë 25 vende të NATO-s me mbi 22 mijë trupa ushtarakë, teksa Kosova pret njësitë ushtarake të 5 vendeve si Shtetet e Bashkuara të Amerikës, Shqipëria, Maqedonia, Kroacia e Turqia.