Një 41-vjeçar nga Kosova u kap në pikën kufitare të Morinës teksa tentonte të hynte në vendin tonë. Ai u prangos pasi ishte shpallur në kërkim ndërkombëtar nga autoritetet Austriake për një sërë veprash penale mes të cilave ajo e vrasjes së mbetur në tentativë, plagosjes së rëndë dhe vjedhjes. Gjatë verifikimeve dhe intervistimit në vijë të dytë, rezultoi se 41- vjeçari ishte shpallur në kërkim ndërkombëtar nga Interpol Vjena. Ndaj tij ishte lëshuar një urdhërarrest. Mënjëherë ai u arrestua ndërsa Interpol Tirana, në bashkëpunim me homologët në Austri, vijon procedurat për ekstradimin e 41-vjeçarin, ku dhe më pas do të përballet me drejtësinë. Gjatë kësaj jave janë kapur disa persona të cilët kanë qenë në këkrim ndërkombëtar nga vende të tjera të Evropës.