Kur bie alarmi, avionët gjuajtës të NATO-s duhet të jenë në ajër brenda pak minutash. Këtë vit këta avionë u ngritën 350 herë për të identifikuar avionët ruse, thote DW.Sipas aleancës, avionet luftarakë të NATO-s kanë kryer tashmë më shumë se 400 ngritje alarmi këtë vit. Në 350 prej misioneve, qëllimi ishte identifikimi dhe monitorimi i avionëve rusë. "Në vitet e fundit kemi parë një rritje të aktivitetit ushtarak rus në hapësirën ajrore", pohoi një zëdhënëse.Avionët ushtarakë rusë shpesh nuk kanë dhënë informacion mbi pozicionin dhe lartësinë e tyre, nuk kanë paraqitur plan fluturimi ose nuk kanë komunikuar me kontrollorët e trafikut ajror, e kjo pwrbwn një rrezik të mundshëm për avionët civilë. Krahasuar me 2019, kete vit numri i alarmeve të lidhura me Rusinë ka pesuar rritje. Sipas aleancës, rreth 60 avione tw saj janë në gatishmëri gjatë gjithë kohës. Mbikqyrja ajrore është një shërbim i rëndësishëm i NATO-s për anëtarët e vet.Ushtria gjermane, Bundeswehri është i përfshirë rregullisht në mbikqyrjen e avionëve rusë si pjesë e rritjes së "policisë ajrore" të NATO-s në Shtetet Baltike. Deri në gjashtë aeroplanë gjermanë "Eurofighter" aktualisht janë të vendosur në Ämari, Estoni."Patrullimi ajror" i shtuar në Shtetet Baltike filloi në vitin 2014 pas fillimit të konfliktit në Ukrainë - mbi të gjitha me kërkesë të aleatëve lindorë Lituani, Letoni dhe Estoni, si pjesë e rëndësishme e konceptit të sigurisë për shtetet e aleancës.