Me miliona njerëz në botë të bllokuar nëpër shtëpi, për shkak të pandemisë, kafenetë aviona, në tajlandë, po i ofrojnë klientëve shansin të pretendojnë sikur janë në qiell dhe ideja është pritur fort mirë. Në bordin e një avioni komercial që tashmë nuk është më në përdorim, në qytetin bregdetar Pattaya, konsumatorët e kafesë rehatohen në kolltuqet e stilit të klasit të parë dhe pozojnë për foto. Me biletat në dorë, disa pasagjerë zgjedhin të bëjnë edhe një vizitë në kabinën e pilotëve. Me kafenë në dorë unë mund të ulëm në vendet e klasit të parë dhe po ashtu të argëtohem edhe në kabinë duke pretenduar se jam kapiteni – thotë një 26 vjecar që gjithë këtë e gjen shumë argëtuese. Në një tjetër kafene, në zyrat qendrore të kompanisë ajrore shtetërore, në Bangkok, klientët duket sikur i ka marrë malli edhe për ushqimin e avionit pasi shijojnë spageti carbonara dhe mish vici në stil tajlandez të shërbyer në pjata plastike shërbyer nga stjuardesat.