Rusia ka vendosur kryeministren e estonisë, Kaja Kallas në listën e të shumëkërkuarve, tregohet në një regjistër zyrtar të martën, ndërkohë që tensionet janë rritur mes rusisë dhe perëndimit në lidhje me ukrainën. Emri i Kallas shfaqet në regjistrin e ministrisë së brendshme ruse të personave të kërkuar në lidhje me akuza kriminale. Nuk specifikohet ndërkohë se me cfarë akuze përballet Kallas. Kjo është hera e parë që ministria vendos një lider të huaj në listën e të kërkuarve. Kallas ka qenë një mbështetje e fortë e ukrainës, dhe ka udhëhequr përpjekjet për ti siguruar ndihma ushtarake Kievit e për të forcuar sanksionet kundër rusisë. Ajo po ashtu ka zemëruar moskën duke kërkuar heqjen e monumenteve të ushtarëve sovjetikë, të luftës së dytë botërore. Rusia ka ligje që kriminalizojnë rehabilitimin e nazizmit që përfshijnë klauzola që ndëshkojnë dëmtimin e memorialeve të luftës. Sekretari estonez i shtetit, Taimar Peterkop po ashtu është përfshirë në listën e të kërkuarve, sipas regjistrit. Lëvizjet duket se reflektojnë një përpjekje nga Moska për tu shfaqur më e ashpër ndërsa përballet me presion nga aleatët e natos në prag të dy vjetorit të luftës. Sidoqoftë, ato kanë shumë pak rëndësi në kuptimin praktik pasi kontaktet mes rusisë dhe perëndimit janë të ngrira.