Dhjetë persona, përfshirë pesë fëmijë, kanë humbur jetën si pasojë e një zjarri që ka përfshirë një ndërtesë afër qytetit të Lionit, në Francë, kanë thënë autoritetet lokale. Sipas tyre zjarri ka shpërthyer në një ndërtesë shtatëkatëshe në Vaulx-en-Velin. Katër persona janë në gjendje kritike dhe 10 persona është raportuar se kanë pësuar lëndime të lehta. Për shuarjen e flakëve janë angtazhuar 170 zjarrfikës të cilët kanë mbërritur në skenën e incidentit që në orën 3 të mëngjesit. Olivier Klein, ministër i deleguar për rajonin Borne, tha se raporti fillestar është “rrënqethës”. Ministri i Brendshëm francez, Gerard Darmanin, tha në anën tjetër se shkaku i zjarrit nuk dihet ende dhe falënderoi zjarrfikësit që kanë rrezikuar jetët e tyre për të shpëtuar njerëzit “në kushte jashtëzakonisht të vështira”. Ai tha edhe se fëmijët që kanë kanë humbur jetën si pasojë e flakëve kanë qenë të moshave nga tre deri në 15 vjeç. Darmanin konfirmoi se hetimet lidhur me shkaqet e zjarrit kanë nisur tashmë dhe se rezultatet e para do të bëhen publike më vonë gjatë ditës.