Kristjana Luka, 25 vjec me profesion farmacistë në Lezhë është vënë në pranga, pasi pajiste shtetas të ndryshëm me test të falsifikuar të sars covid 2, apo teste PCR, pa e kryer fare testin. Aurora Ujka, administratorja e kësaj farmacie është shpallur në kërkim për bashkëpunim me Lukën, ndërsa është proceduar penalisht Arjan Deda. Policia bën me dije se Kristjana Luka u merrte klientëve 100 euro për një test pozitiv dhe 50 euro për të nxjerrë një test negativ. Pas një hetimi disa javorë, policia në bashkëpunim me Prokurorinë e Rrethit Gjyqësor Lezhë, kanë finalizuar me sukses operacioni e koduar "fake test". Sipas policisë nga hetimet e kryera rezulton se ky subjekt privat, ka kryer në hotal rreth 500 teste të falsifikaura për shtetas të ndryshëm, qofshin këto pozitive apo negative. Gjatë kontrollit të ambientit, janë gjetur dhe sekuestruar në cilësinë e provës materiale 3 vula, 1 aparat telefonik iPhone, certifikata/teste të shtetasve të ndryshëm me rezultate pozitive e negative, si dhe fotokopje dokumentash identifikimi të shtetasve të pajisur me këto teste fiktive e të falsifikuara. Materialet procedurale iu referuan Prokurorisë së Rrethit Gjyqësor Lezhë, për veprime të mëtejshme hetimore.