Dita e shtunë, ku u mbajt protesta e thirrur nga ish kryeministri Sali Berisha përpara selisë blu me qëllim nxjerrjen e Lulzim Bashës nga zyra, shënoi një ditë historike për politikën shqiptare, e cila do të mbahet mend gjatë edhe për demorkatët. Kjo për faktin se pas 31 vitesh partia opozitare nuk është parë ndonjëherë më e përcarë se kaq, ndërsa kjo situatë erdhi pas datës 9 shtator ku kreu I Partisë Demokratike Lulzim Basha përjashtoi nga grupi parlamentar ish liderin historik të PD Sali Berishën. E shtuna pati zhvillime të shumta, ndërsa dhuna agressive e protestuesve u përfol gjatë në të gjitha mediat vëndase, ndërsa vijon të flitet edhe këtë të dielë. Kyeministri Edi Rama këtë të dielë ka mbajtur një deklaratë për mediat, përmes së cilës ka folur rreth dhunës së përdorur në protestë. Sipas kreut të qeverisë, ngjarja e djeshme do të mbahet mend si një ngjarje e rëndë për të gjithë demokratët.