Ishte data 4 shkurt 2004, kur një student i Harvardit, Mark Zuckerberg, bashkë me një grup miqsh, lancoi një rrjet social që i dedikohej botës universitare. Ai quhej The Facebook dhe nga ajo ditë u zgjerua edhe në universitete të tjera amerikane për tu përhapur edhe në të gjithë botën, ashtu sic ne e njohim sot. E duke u hapur në këtë formë, në 20 vite jetë, facebook ka rezultuar një revolucion në shoqëri, në konceptin e privatësisë, miqësisë, informacionit, politikës, punës, etj. Në 20 vite jetë, facebook, pavarësisht tronditjeve dhe skandaleve, e pavarësisht nga braktisja prej shumë të rinjve që e konsiderojnë si rrjetin social të bumerave, ai mbetet sidoqoftë platforma më jetëgjatë dhe më e madhe nga këndvështrimi numerik. Sipas të dhënave të fundit, në platformë, cdo ditë në botë, janë aktivë 2.11 miliardë njerëz. Tani facebook është nën ombrellën e Meta-s, kompanisë që përfshin vec tij edhe instagramin, Messengerin dhe ËhatsApp-in. Prej pak muajsh, meta ka prezantuar edhe Threads, rivalin e Tëiterit. E tani, kur inteligjenca artificiale duket se do të pushtojë botën, pritet që facebook të ndryshojë akoma, dhe ky ndryshim do të imponojë rregulla të reja dhe masa mbrojtëse po ashtu.