Kryeministri i Shqipërisë, Edi Rama mbrojti nga Brukseli luftën e Ushtrisë Clirimtare të Kosovës për pavarësi, duke thënë se ndaj Kosovës është bërë një padrejtësi e madhe. Në konferencën e përbashkët me komisionerin e Bashkimit Evropian për Zgjerimin dhe Fqinjësinë, Olivér Várhelyi dhe ministrin e Punëve të Jashtme të Republikës së Çekisë, Rama foli edhe për Gjykatën Speciale, duke thënë se nuk ka asnjë provë të vetme se ka pasur trafikim të organeve njerëzore në Kosovë dhe Shqipëri. Sipas kreut te qeverisë shqiptare, kjo është një faqe turpi për Këshillin e Evropës i cili duhet të gjejë kurajën dhe t’i kërkoj falje Kosovës. Rama e beri të qartë qendrimin e Shqipërisë duke thënë se historia e trafikimit të organeve u nis nga Rusia dhe se Gjykata Speciale në Hagës është krijuar në bazë vetëm të këtij raporti të hartuar nga Diock Martin.