Presidenti francez, Emmanuel Macron i kërkoi vendeve evropiane të hënën të kërkojnë më shumë pavarësi në mbrojtjen e hapësirës ajrore dhe të mos mbështetet shumë tek SHBA, një cështje kjo që prej kohësh krijon ndasi dhe që merr një impuls të ri për shkak të luftës së rusisë në Ukrainë. Macron e bëri deklaratën në mbyllje të fjalimit të tij në një konferencë në paris, ku u mblodhën ministrat e mbrojtjes dhe përfaqësues të tjerë të 20 shteteve evropiane. Bisedimet përfshinë edhe sistemet anti dronë dhe ata kundër raketave balistikje – thanë organizatorët francezë, duke nënvizuar se pushtimi i ukrainës nga rusia ka treguar rëndësinë dhe efikasitetin e këtyre pajisjeve. Edhe mbrojtja nga armët bërthamore ishte po ashtu në axhendë. Për presidentin francez, projekti i propozuar nga gjermania, mburoja raketore evropiane, është një përgatitje për problemet e të ardhmes ndërsa kritikoi nismën Mburoja qiellore evropiane, në të cilën 17 shtete, përfshirë ato të evropës qendrore, janë bashkuar tashmë. Ky projekt bazohet kryesisht tek blerjet e sistemeve gjermane, amerikane dhe izraelite. Por makron mendon se ajo që vjen nga palë të treta jo evropiane, është më pak e menaxhueshme. Si kundërmasë, franca njoftoi një nismë për blerjen e përbashkët ttë disa raketave me rreze të shkurtër veprimi tokë-ajër Mistral, me estoninë, hungarinë, belgjikën dhe qipron. Këto raketa janë të prodhuara nga grupi evripian i armëve MBDA dhe mund të qëllojnë shënjestra deri në 6 km largësi. Po ashtu Macron zyrtarizoi edhe pjesmarrjen e Belgjikës në projektin evropian për një avion luftarak të gjeneratës së gjashtë. Ky program masiv bashkëpunimi nisi në 2017-ën mes francës, gjermanisë dhe spanjës dhe synon të zëvendësojë avionët rafale të francës dhe eurofajter tajfunë deri në 2040-ën.