Në një spektakël të pabesueshëm të magjisë së dimrit, evropa veriore është përballur me reshje domethënëse bore, që kanë shndërruar kryeqytetet në panorama mahnitëse dimërore. Shndërrimet më mbreslënëse janë parë në Paris, ku monumente ikonike si Champs Elysee, kulla Ejfel dhe pallati i Versajës, janë zbardhur nga bora duke u bërë të ngjashëm me skenat e kartolinave të krishtlindjes. Por, bora nuk ka sjellë vetëm magji. Shumë vende janë përballur dhe vazhdojnë të përballen me kushte të këqia moti që kanë sjellë edhe probleme të mëdha. Parisi dhe rrethinat e tij ishin nën alarm portokalli, për shkak të reshjeve të borës dhe problemeve serioze në trafik. Alarmi portokalli do të thotë se moti ka pasoja të konsiderueshme tek njerëzit, pronat dhe aktivitetin në zonë. Ky status portokalli është tërhequr por pjesa më e madhe e Francës, me përjashtim të brigjeve në mesdhe, mbetet nën paralajmërim të verdhë për borë dhe akull. Disa pjesë të francës janë mbuluar nga 15 centimetra borë. Meteo France ka lëshuar paralajmërime për 25 rajone të francës. Parisi nuk ishte i vetmi qytet që u vesh me petkun e bardhë. Qytete si oslo, mynihu, frankfurti etj, kanë parë të ndodhë e njëjta gjë por bukuria është shoqëruar me telashe. Kushtet e motit kanë bërë që shumë fluturime të anulohen dhe të ndodhin edhe aksidente rrugore.