Ekspertët kanë paralajmëruar prej kohësh se qindra mijëra mbetje hapësinore që rrethojnë planetin, përfshirë pasqyrën e humbur të një astronauti, përbëjnë një kërcënim për punën e satelitëve dhe Stacionit Ndërkombëtar të Hapësirës.Mbetjet e krijuara në dekadat e fundit në orbitën e Tokës paraqesin një kërcënim për fluturimet hapësinore dhe satelitët në të cilët mbështetemi për parashikimin e motit, udhëtimet ajrore dhe komunikimet globale."Ne kemi afërsisht më shumë se një milion copa mbetjesh, copëza më të vogla me diametër rreth një centimetër, që fluturojnë rreth Tokës. Ky është një problem shumë i veçantë në hapësirë, e cila tani është pjesë e infrastrukturës sonë që duhet ta mbajmë të pastër", tha në një diskutim drejtori i përgjithshëm i Agjencisë Evropiane të Hapësirës, Jan Woerner, I cituar nga VOA. Ekspertët paralajmërojnë se problemi mund të përkeqësohet pasi kompanitë private si SpaceX, Google dhe OneWeb me bazë në Arlington të Virxhinias pritet të dërgojnë një sere satelitësh të rinj në hapësirë në vitet e ardhshme. Kjo mund të shkaktojë përplasje gjithnjë në rritje që mund të rezultojne në atë që quhet sindromi Kessler, I cili mori emrin e një shkencëtari të NASA-s, qw paralajmëroi katër dekada më parë se orbita e afërt e Tokës mund të bëhet e papërdorshme për brezat e ardhshëm. Pamjet: AFP