Eurodeputetja socialiste greke, Eva Kaili, është marrë në pyetje në Bruksel të premten në mbrëmje dhe është arrestuar pas nisjes së hetimeve mbi një skandal korrupsionin në Parlamentin Europian. Zv/presidentja e PE si dhe një sërë anëtarësh të tjerë të parlamentit raportohet se kanë marrë miliona euro nga Katari lidhur me Botërorin e Katarit 2022, por edhe cështje të tjera. Katari ishte përpjekur të korruptonte edhe një eurodeputet socialist italian, në përpjekje për të ndikuar në vendimet ekonomike dhe politike të Parlamentit Evropian. Zyra e Kailit u mbyll nga policia e Belgjikës, së bashku me ato të dy eurodeputetëve socialistë belgë, Maria Arena dhe Marc Tarabella. Partia socialiste greke PASOK, njoftoi të premten në mbrëmje se Kaili ajo ishte "përjashtuar". Po ashtu edh “Socialistët dhe Demokratët (S&D) në Parlamentin Evropian po ashtu pezulluan anëtarësimin e Kailit me efekt të menjëhershëm.