“Asociacioni është një mënyrë për të ulur ndikimin e Serbisë në veri të Kosovës”. Kështu e nisi fjalën e tij i dërguari i posaçëm për Ballkanin Perëndimor, Gabriel Escobar, para Senatit të SHBA-ve. Escobar theksoi se palët po bëjnë shumë pak për të çuar përpara ato për të cilat kanë rënë dakord në takimet e Brukselit dhe Ohrit, teksa Asociacioni po shihet si pengesa për vënien në zbatim të marrëveshjes për normalizimn e marrëdhënieve. “Asociacioni është një obligim I marrë nga Kosova në marrëveshjen e Brukselit dhe ne do ta ndihmojmë që ta formojë atë sipas një modeli europian, që nuk cënon Kushtetutën dhe nuk shkel sovranitetin e saj. SHBA e sheh Asociacionin si një mënyrë për të ndalur atë që po bën Serbia në Veri dhe për ta vënë zonën brenda korrnizave ligjore të Kosovës”, tha Escobar.