Ermal Mamaqi ka shkelur sërish rregullat e pandemisë së koronavirusit, e këtë herë me festën e ditëlindjes së tij, në shoqërinë e një numri të madh të ftuarish. Pavarësisht se disa javë më parë ai u gjobit për grumbullimin e shumë personave në një aktivitet trajnimi, kjo mesa duket nuk i ka shërbyer për të “zënë mend” bashkëshortes së tij, e cila i kishte organizuar festën surprizë ku kishte shumë të ftuar. Për festën e ditëlindjes së këngëtarit gjithashtu nuk është respektuar as ora policore, duke thyer kështu rregullat anti-covid. Ermal Mamaqi është treguar i kujdesshëm duke publikuar vetëm foto me pak persona, por organizimin e festës me shumë të ftuar ia ka zbuluar kandidatja e PS-së për deputete në Tropojë, e njohur edhe si aktorja e portokallise, Arjola Demiraj. Ajo ka publikuar në faqen e saj të instagramit momentet pikante të festës së Mamaqit, e cila ka zgjatur deri vonë. Bashkëshortja e Ermalit, edhe autorja e festes surprize, ka publikuar në Instagramin e saj një video, në të cilën shihet Ermali në mes të një skene të organizuar posaçërisht për të, si dhe shumë personazhe të njohur të ftuar. Në Instastory-t e publikuara nga të ftuarit, shihen disa artistë që ngjiten në skenë për të performuar, ndër të cilët është edhe Elvana Gjata.