Presidenti turk Recep Tayyip Erdogan mbërriti në greqi të enjten në një udhëtim që ka si qëllim të riparojë marrëdhëniet e tensionuara herë herë mes dy vendeve fqinje dhe me shpresën se do të rivendosë lidhjet me aleatët perëndimorë. Pavarësisht dallimeve që i kanë rrënjët e thella mes dy vendeve fqinje, anëtare të natos, Erdogan premton një qëndrim ku të gjithë do të dalin të fituar dhe që mund të hedhë themelet për një bashkëpunim më të ngushtë. Qëllimet për të punuar për përmirësimin e marrëdhënieve, ishin të dukshme në takimin e parë të Erdogan në Greqi, me presidenten Katerina Sakellaropoulou. “Ne diskutuam se cfarë hapash do të ndërmarrim për të gjitha cështjet, pas përgatitjeve të bëra nga ministrat tanë. Ne do të vazhdojmë në një rrugë më logjike”, i tha erdogan presidentes greke. “Unë besoj se më e mira për të ardhmen e të dyja vendeve është që të diskutojmë duke parë gotën të mbushur deri në gjysmë dhe jo të zbrazur deri në gjysmë”, tha ai.