Presidenti i Turqisë, Rexhep Taip Erdogan priti në një vizitë zyrtare në Ankara, homologun e tij finlandez Sauli Niinisto, teksa tema kryesore të tryezë ishte padyshim hapja udhë e anëtarësimit të Finlandës në NATO. Në përfundim të takimit, Erdogan tha se ka vlerësuar maksimalisht angazhimin e Helsinkit zyrtar në procesin e anëtarësimit dhe se do të nisë procedurat parlamentare për dhënien e miratimit. “Ne vendosëm që të nisim në parlament, procesin për miratimin e anëtarësimit të Finlandës në NATO. Ecuria e këtij procesi, do të varet shumë edhe nga hapat që do të ndërmarrë Suedia”, tha ndër të tjera Erdogan. Presidenti turk deklaroi se diskutoi gjithashtu me homologun e tij finlandez edhe për rritjen e marrëdhënieve tregtare mes dy vendeve, teksa kërkoi edhe mbështetje për anëtarësimin e Turqisë në BE. Sa i përket konfliktit që po trazon botën, mes Rusisë dhe Ukrainës, Erdogan i konfirmoi presidentit të Finlandës se Turqia po përpiqet nëpërmjet kanaleve të larta diplomatike, që të rikthejë paqen mes dy vendeve.