Partia Demokratike publikoi një libër me 1500 faqe, të cilin e quan enciklopedi të farsës elektorale. Sipas kryedemokratit Sali Berisha me këtë libër tejkalohet raporti i OSBE/ODIHR pasi në të janë renditur mbi dy mijë prova, dokumente, video dhe analiza dhe do të publikohet online, në Amazon. “Raporti i OSBE-së, ky është 1500 faqe, raporti i OSBE-së nuk mund të jetë kurrë i tillë, por ajo që mund të them ky libër vërteton dhe tejkalon, normal se ata nuk mund të merren me një botim të tillë, me fakte çdo fjalë të atij raporti. Sigurisht, është një enciklopedi, raporti është raport. Nuk mund të jetë një enciklopedi raporti. Kurse ky nuk është raport. Ky është enciklopedia e farsës elektorale, por edhe e ekrimit shtetëror në tërësi. Do të qarkullojë në të gjithë botën, në Amazon, online, do të dërgohet në çdo adresë. Sepse mbrojtja e votës është kushti më themelor i mbrojtjes së demokracisë.”