Samiti i 27 i Bashkimit Europian vijon punimet për të dytën ditë radhazi, teksa emigracioni dhe menaxhimi i tij mbeten ende “gjembi’ më i madh që çpon palët’. Hungaria dhe Polonia janë bashkuar të dyja për të kundërshtuar marrëveshjen e arritur në parim pak ditë më parë, e cila parashikon që vendet që nuk marrin emigrant, të paguajnë një kompensim prej 20 mijë eurosh për çdo emigrant që i takon të presë. Për shkak të reagimeve nga Budapesti dhe Varshava, teksti i konkluzioneve u bllokua pasi kërkon që pritja e azilkërkuesve që mbërrijnë në kufijtë e jashtëm të BE-së të bëhet në baza vullnetare. Lideri hungarez Viktor Orban shkroi se Budapesti dhe Varshava po rezitojnë fort së bashku, ndërsa në krahun tjetër janë Italia dhe Austria, aleatet më të forta që po kërkojnë të miratojnë edhe zyrtarisht akordin e arritur në parim pak ditë më parë.