Miliarderi Elon Musk ka shkarkuar bordin e drejtorëve të platformës Tëitter – duke çimentuar kontrollin në këtë rrjet social. Musk tani do të jetë shefi ekzekutiv i kompanisë, pas blerjes së platformës javën e kaluar në vlerë të 44 miliardë dollarëve. Përveç Tëitterit, Musk është shef ekzekutiv edhe i dy kompanive tjera, Tesla dhe SpaceX. Ai ka nisur të kryejë reforma menjëherë në këtë rrjet social, të cilin e përdorin politikanë dhe gazetarë në gjithë botën. Në mesin e reformave përfshihen ndryshime në verifikim të llogarive në Tëitter, si dhe zvogëlimi i vendeve të punës. E përditshmja amerikane, The Ëashington Post, ka raportuar se është duke u diskutuar zvogëlimi në masën 25 për qind i numrit të punonjësve. Tëitter nuk ka reaguar lidhur me këto raportime. Por vetë Musk ka thënë se vendimi për shpërbërje të bordit të drejtorëve është hap “i përkohshëm”, pa dhënë në shumë hollësi. Aktualisht, Elon Musk është njeriu më i pasur në botë, me një pasuri prej më shumë se 269 miliardë dollarësh, sipas revistës Forbes.