Hetimet për ekzekutimin mafioz të Klevis Kapllanit, i njohur edhe me emrin Bledar kanë marrë një kthesë të papritur. Teksa pas vrasjes u fol për hesape të tij në Itali, apo konflikte për çështje droge në vendin fqinj, hetuesit kanë nxjerrë të tjerë detaje. Tashmë emri i 33 vjecarit Kapllani, që u vra në automjetin e tij dhe u gjet mëngjesin e djeshëm lidhet edhe me disa ngjarje të rënda në Elbasan dhe Peqin dhe ku në skenë dalin sërish njohjet në Italinë fqinje. Një detaj i rëndësishëm për policinë është edhe fakti që disa dite para vrasjes, në 12 shtator viktima ka pasur kontakt me disa persona ende të pa identifikuar nga policia dhe u ka dhënë në përdorim makinën e tij tip “Audi A6” deri në datën 14 shtator. Por makina nuk është kthyer dhe mëngjesin e datës 15 Kapllani u gjet i vrarë.