Dhjetëra e mijëra njerëz janë larguar nga Libani, duke kaluar kufirin me Sirinë, që nga fillimi i javës, ndërsa Izraeli bombardon objektivat e Hezbollahut. Më shumë se 200,000 njerëz janë zhvendosur në Liban që kur Hezbollahu filloi të lëshonte raketa në veri të Izraelit në mbështetje të Hamasit, nga fillimi i luftës në Gaza, sipas Organizatës Ndërkombëtare për Migracionin. Sipas ministrisë libaneze të shëndetësisë mdërkohë gjithsej 1,540 njerëz janë vrarë brenda kufijve të vendit në këtë kohë, e pothuajse gjysma e tyre kanë humbur jetën vetëm gjatë javës së kaluar pasi sulmet ajrore izraelite shkatërruan pjesë të vendit. Izraeli ka përshkallëzuar në mënyrë dramatike sulmet e tij ndaj objektivave libaneze, duke thënë se synon të eliminojë kapacitetet ushtarake të Hezbollahut dhe komandantët e lartë të tij. Zyrtarët e lartë izraelitë kanë kërcënuar se do të përsërisin shkatërrimin e Gazës në Liban nëse sulmet ajrore të Hezbollahut vazhdojnë.