Prej afro një muaj vrasja e Ahmet Toskës ka qenë e mbuluar nga misteri, por hetimet në rrugë operative të Policisë, marrja e disa dëshmive që konsiderohen kycce kanë bërë të mundur zbardhjen e krimit. Policia bazuar në disa të dhëna që provohen nga prova të ndryshme, mes të cilave edhe kamera sigurie kanë arrestuar autorin e dyshuar të vrasjes. Ai është 52-vjeçari Fatmir Hoxhaj banues në Fier. Ndërsa motivet e krimit ende nuk janë bërë të ditura nga policia, që ka kryer edhe operacionin për arrestimin e tij. Rrethanat e kësaj ngjarje mbeten ende të paqarta teksa policia ka hetuar në dy pista, hakmarrja dhe konflikti për pronat. Viktima Ahmet Toska, ditën e vrasjes po shoqëronte bashkëshorten për në punë në orën 06:00 të mëngjesit, teksa një person i maskuar i është afruar dhe e ka ekzekutuar me një plumb në kokë dhe është larguar në këmbë. Sipas policisë, Toska mund të jetë vrarë për hakmarrje pasi daja i tij ka kryer një vrasje para disa vitesh, por edhe pista e pronave mbetet si e mundshme për hetimin.