Pas më shumë se 5 vitesh, Prokuroria e Tiranës përfundoi hetimet dhe dërgoi për gjykim dosjen, për vrasjen e Menduh Kurt-Deda. Organi i akuzës ka dërguar në gjyq tre autorët, Marjeta Karaj, djalin e saj, Besmir Karaj dhe shokun e këtij të fundit, Gazmir Ngota, të akuzuar për veprën penale “Vrasje me dashje”, kryer në bashkëpunim. Prokuroria pranë Gjykatës së Shkallës së Parë Tiranë përmes një njoftimi zyrtar bën me dije se Gazmir Ngota ka shprehur pendesë për krimin dhe se e ka pranuar të gjithë ngjarjen.