Koreja e Veriut konfirmoi të premten se po mbyll disa prej misioneve të saj diplomatike jashtë vendit. Ky njoftim, sipas Koresë së Jugut, ka të ngjarë që është sinjali i fundit i problemeve ekonomike për shkak të sanksioneve të vazhdueshme ndërkombëtare. Më herët gjatë javës, Qeveria e Koresë së Jugut tha se Koreja e Veriut po mbyll ambasadat në Ugandë, Angola dhe Spanjë, por edhe konsullatën në Hong Kong sepse sanksionet e kanë bërë jashtëzakonisht të vështirë që këto ambasada të vazhdojnë aktivitetet joligjore jashtë vendit për të fituar para për shpenzimet e tyre operuese. Sipas të dhënave të Qeverisë koreano jugore, Koreja e Veriut ka raporte diplomatike me më shumë se 150 shtete, por ka vetëm afër 50 misione diplomatike jashtë shtetit. Ministria e Jashtme e Koresë së Veriut tha të premten se “ne po mbyllim apo po hapim misione të reja në linjë me ndryshimet e paspecifikuara në mjedisin ndërkombëtar dhe në politikën e jashtme të Veriut.