Presidenti i Serbisë Aleksandar Vuçiç njihet si një lider autoritar, ndëkrohë që me dhënien e rastit ai ka treguar menjëherë pushtetin e tij para kamerave. Gjatë vizitës në fshatin Senishtë, teksa po diskutonte për prodhimin e energjisë elektrike, Vuçiç i është kthyer me tone të ashpra drejtorit të Industrisë Elektroenergjetike të Serbisë, Milorad Grçiç, për shkak se ky i fundit nuk e kishte njoftuar për një zjarr të rënë në Bllokun një të termoelektranës. Grçiç u justifikua me arsyen se ky problem ishte zgjidhur menjëherë dhe se nuk donte ta rëndonte presidentin serb. Gjithsesi, Vuçiç ka vazhduar duke e poshtëruar edhe më shumë para kamerave drejtorin Milorad Grçiç. Vuçiç i ka njoftuar Grçiç shkarkimin para kamerave, teksa i ka kërkuar atij që të stabilizojë gjendjen me rrymë deri para Vitit të Ri e më pas të gjejë një punë tjetër. Gjatë kësaj vizite Aleksandar Vuçiq deklaroi se Serbia duhet të ketë mjaftueshëm energji elektrike për ta shitur atë deri në vitin 2028.