Reperi i njohur nga Ferizaj, Gramoz Aliu, i njohur me emrin artistik Mozzik, u mor në pyetje këtë të mërkurë nga autoritetet doganre të Kosovës lidhur me dy ora luksoze për të cilat u ndalua një ditë më parë në aeroport. Njëra prej orave kishte vlerë mbi një milionë euro. Sipas njoftimit të doganës, këngëtari pasi u pyet për dy orat, u la I lirë. “…njësitet doganore kanë zbuluar dhe ndaluar përkohësisht dy orë luksoze (një Richard Mille dhe një Rolex), të cilat nuk janë deklaruar nga udhëtari gjatë kalimit në Kanalin e Gjelbër. Vlera totale e këtyre orëve është 1.340.027,50 € (një milion e treqind e dyzet mijë e njëzeteshtatë euro e pesëdhjetë cent). Duke qenë se shmangia nga obligimet doganore kapte shumën mbi 5.000 euro, konform legjislacionit në fuqi është njoftuar Prokurori Kujdestar i Prokurorisë Themelore në Prishtinë. Me këtë rast, në përputhje me kompetencat që dalin nga Kodi Doganor dhe i Akcizave, është urdhëruar ndalimi i përkohshëm i mallrave dhe intervistimi i personit të dyshuar.”, njoftuan doganat të cilat specifikuan se dy orat luksoze të Mozzikut vijojnë të jenë të sekuestruara deri në sqarimin e plotë të rastit nga ana e prokurorisë.