Në Pompei, gërrmimet kanë nxjerrë në dritë një objekt të rrallë: një karrocë të përdorur me shumë gjasë nga aristokratët e kohës për ceremony martesore e cila është ruajtur në gjendje perfekte, dhe kjo falë hirit që e ka mbuluar pas shpërthimit të Vezuvit që shkatërroi qytetin. Karroca i ka mahnitur arkeologët me elegancën e zbukurimeve të saj, ndërsa ruante ende gjurmët e jastëkeve të përdorur nga pronarët për t`u mbështetur. Ekspertët thonë se mund të bëhet fjalë për një “pilentum”, nje karroce antike e shumëpërfolur ceremoniale. Shkatërrimi i Pompeit thuajse 2 mijë vjet më parë, konsiderohet një prej fatkeqësive natyrore më të rënda të regjistruara në historinë njerëzore. Mali i Vezuvit shpërtheu në 24 gusht të vitit 79. Arkeologët thonë se hiri i nxehtë i tij ruajti format e jashtme të viktimave, si dhe shumë sende të përditshme të përdorura prej tyre, përfshirë këtu monedha dhe punime arti, vegla pune apo enë gatimi. Pompei ishte një qytet i vogël tregëtar larg qendrave të njohura romake dhe pranë vendpushimit mesdhetar Herculaneum. Që të dy qendrat u varrosën nga vullkani. “Ishte jetë luksi që u fshi nga faqja e dheut. Është një histori gati mitologjike,” thonë ekspertët, që dëshmon sipas tyre fuqinë gati të pabesueshme të forcave të natyrës. Pamjet: AFP