E pabesueshme te Nice, që po paraqitet shumë mirë në javët e para të sezonit të ri në Ligue 1. Duke u renditur në vendin e dytë pas javës së gjashtë me vetëm një pikë më pak se Bresti kryesues. Një prej futbollistëve të skuadrës së drejtuar nga italiani Francesco Farioli, ka tentuar vetëvrasjen gjatë ditës së premte. Shtypi francez shkruan se bëhet fjalë për Alexis Beka Beka. 22-vjeçari po kërcënoi se do të hidhej nga një urë 100 metra e lartë pranë qytetit të Nisës. Ai ka ndalur automjetin e tij në korsinë e emergjencës dhe kërcënoi disa herë me hedhjen nga lartësia. Fatmirësisht, ndërhyrja e zjarrfikësve parandaloi tragjedinë. Dyshimet e para lidhen me një ndarje të mbrojtësit nga e dashura. Fundi i romancës e ka rënduar së tepërmi lojtarin me origjinë nga Kongo. Ndërkohë, trajneri Farioli anuloi konferencën e parashikuar për shtyp, para sfidës me Brest, që luhet të dielën.