Një nga pesë të dyshuarit për përdhunimin e 11-vjeçares në Kosovë ka qenë shtatë herë në burg gjatë viteve të fundit. Ekrem Rexhepi, i cili ishte ndër të parët qe ra në prangat e policisë pas ngjarjes së rëndë në Prishtinë, ishte një emër shumë i njohur për organet e rendit. Së bashku me 4 persona të tjerë, 3 praj të cilëve minorenë, ai abuzoi seksualisht për reth 7 orë me të miturën, pasi e ngacmoi atë fillimisht në një park. Nga viti 2007 e deri në vitin 2022, 26-vjeçari është arrestuar shtatë herë. Në vitin 2007, Rexhepi është mbajtur në paraburgim Qendrën Korrektuese në Lipjan për katër ditë, për veprën penale “Aksident Trafiku”. Ai u kthyer sërish pas hekurave pas gjashtë vjetësh, por për një vepër tjetër. I riu ishte mbajtur në këtë qendër për 2 muaj e 29 ditë për veprën penale “Vjedhje e rëndë”. Katër vite më vonë, ai ishte dërguar në paraburgim për veprën penale “Vjedhje”, ku kishte qëndruar 136 ditë.