E hëna e tretë e janarit, që këtë vit ishte data 15, njihet tani në nivel ndërkombëtar si ‘E hëna blu’, ose dita më e trishtuar e vitit. Zanafilla është në 2005-ën, nga një përllogaritje matematikore e doktorit Klif Arnall, një psikolog i universitetit të Kardifit që ndërthuri disa variabla si moti, ndjenja e fajit për paratë e shpenzuara në janar dhe rënia e motivimit pas festave. Sidoqoftë, disa shkencëtarë kanë përcaktuar se formula e tij nuk ka baza shkencore. Në një artikull të botuar tek the Guardian, në 2012-ën, neuroshkencëtari Dean Burnett, e cilësonte formulën e Arnall, qesharake, sepse variablat janë arbitrare, të pamundura të përcaktohen për sa i takon sasisë dhe në një pjesë të madhe të papërputhshme mes tyre. Vec të tjerash, përllogaritja e arnall vjen nga një bashkëpunim me një kompani udhëtimesh që ka përdorur formulën për fushatë publicitare. Por, pavarësisht dyshimeve që prej vitesh e shoqërojnë, e hanë blu është bërë tani një traditë, aq sa cdo të hënë të tretë të janarit, hashtagu qarkullon në mediat sociale ndërsa ekspertët japin këshilla se si dita më e trishtuar e vitit duhet të përballohet.