Ka dalë para gjykatës së Lezhës babai i vajzës së mitur, i cili dyshohet se e ka dhunuar dhe ka abuzuar seksualisht me të miturën. Burime bëjnë me dije se rasti është denoncuar në komisariatin e Kurbinit nga fqinjët pasi kishin kohë që dëgjonin të bërtiturat e të miturës, po ashtu grupi hetimor disponon disa vidio amatore të filmuara nga vetë fqinjët e të miturës, ku sipas tyre dëgjohen të bërtiturat e po ashtu dhe fjalor seksual nga ana e babait. Ky i fundit e ka mohuar këtë fakt, ndërsa e mitura është marrë në pyetje nga shërbimi social në kurbin, ku po ashtu pritet të dalin dhe analizat e të saj. Vajza ndodhet në gjëndje të rëndë psikologjike, ku sipas burimeve ka shenja të dukshme dhune në disa pjesë të trupit. Sipas fqinjëve, dyhsohet se babai abuzonte me të mituren gjatë kohës kur nëna e saj ndodhej në punë. E marrë në pyetje nga grupi hetimor nëna e ka mohuar faktin që bashkëshorti mund të këtë abuzuar seksualisht me vajzën e mitur, ndërsa dhunën e ka pranuar.