Një qytet i vogël serb, në kufi me bosnje hercegovinën, është bërë kryefjalë e debateve këto kohë. Presidenti Serb, Aleksandar Vuçiç, shkoi në Priboj “për të ulur tensionet ndëretnike”. Por analistët, thonë për DË, se vizita kishte si qëllim vetëm ta prezantonte atë para bashkësisë ndërkombëtare si faktor paqeje dhe stabiliteti. Incidentet që ndodhën ditët e fundit në Priboj, kanë shqetësuar dukshëm popullatën boshnjake në këtë qytet. Gjatë Krishtlindjeve ortodokse më 7 janar, një grup të rinjsh të paidentifikuar kënduan “Është Krishtlindje, qëlloni me armë xhamitë”. Ndërsa disa ditë më parë një grup policësh kufitarë të Pribojit kënduan këngë ku bëhej thirrje për përsëritjen e krimeve të Srebrenicës, Vukovarit, Novi Pazarit e Sjenicës. Ndaj 12 policëve ka filluar procedura disiplinore.