Presidenti francez Emmanuel Macron u tha se do të bënte presion mbi presidentin kinez Xi Jinping që të përdorë ndikimin e tij për ta shtyrë Rusinë drejt përfundimit të luftës në Ukrainë gjatë vizitës shtetërore dy-ditore, që ai nisi në Francë. Vitin e kaluar, Macron i bëri thirrje homologut kinez që “ta sillte Rusinë në vete”, por thirrja nuk u pasua nga ndonjë ndryshim i dukshëm në qëndrimin e Pekinit. Udhëheqësit thanë se do të diskutonin gjithashtu mosmarrëveshjet tregtare mbi makinat elektrike, konjakun dhe kozmetikën. Zyra e Macron tha se bisedimet për përpjekjet diplomatike për të mbështetur Ukrainën dhe për të ushtruar presion mbi Rusinë janë një prioritet kryesor për Francën. Diskutimet do të përfshijnë gjithashtu Lindjen e Mesme, çështjet tregtare dhe sfidat globale, duke përfshirë ndryshimin e klimës. Presidentja e Komisionit Evropian iu bashkua atyre në një pjesë të takimeve, për të ngritur shqetësimet më të gjera të BE-së.