Në mesin e frikës në rritje për një fushatë ushtarake ruse kundër Ukrainës, Greqia i ka kërkuar qytetarëve të saj të largohen menjëherë nga vendi. Një deklaratë e lëshuar të hënën nga ministria e jashtme këshilloi qytetarët grekë po ashtu të mos udhëtojnë drejt Ukrainës. Në të i kërkohej të gjithë atyre që nuk janë larguar ende nga vendi të regjistrojnë të dhënat e tyre në ambasadën greke në Kiev. Ndërkohë, dy grekë etnikë janë qëlluar për vdekje dhe dy të tjerë janë plagosur rëndë gjatë një incidenti në të cilin u përfshinë tre ushtarë ukrainas në fshatin Granitna, afër kufirit lindor të vendit dhe lajmi është konfirmuar nga ministria e jashtme në athinë në një deklaratë të vecantë. Ministria tha se incidenti kishte ndodhur pas një përplasjeje në lidhje me një cështje krejt të parëndësishme. Nuk janë bërë të ditura ndërkohë më shumë detaje. Ministria i shprehu ngushëllimet familjeve të viktimave. Burime diplomatike thanë ndërkohë se dendias ka kërkuar një bisedë telefonike me homologun e tij Dimitro Kuleba, për të nënvizuar nevojën për të mbrojtur diasporën greke në zonë.