Policia e Durrësit ka goditur një rast të trafikimit të armëve të zjarrit dhe municionit luftarak jashtë vendit, duke finalizuar me sukses operacionin e koduar "Telekomanda". Si rezultat I këtij operacioni janë arrestuar dy persona me precedent penalë si dhe është kapur një arsenal armësh, mes tyre edhe një mitraloz. Sipas njoftimit të policisë operacioni është zhvilluar pas një hetimit disa mujor, pas informacioneve se një grup trafikonte armë zjarri me qëllim përfitimi monetare. Në prangat e policisë kanë rënë Artur Polovina 47 vjeç, banues në Kuçovë, i dënuar më parë për veprën penale "Kultivim i bimëve narkotike" dhe Bajram Hoxha, 60 vjeç, banues në fshatin Magjat, Kuçovë, i dënuar më parë për falsifikim. Policia ka sekuestruar 1 mitraloz, 1 automatik kallashnikov, municion luftarak prej 822 fishekësh, 2 automjete, 3 aparate celularë dhe një sasi lëndë narkotike kanabis sativa Sipas policisë po vijon puna për identifikimin edhe të personave të tjerë të përfshirë në këtë aktivitet kriminal.