Imazhe satelitore tregojnë progresin në ndërtim, në rusi, të një fabrike që do të prodhojë në masë dronët kamikazë me të cilët moska do të godasë infrastrukturën energjetike të Ukrainës – tha një organizatë kërkimesh. Pavarësisht këtyre imazheve, as shba dhe as aleatët e saj nuk kanë vendosur sanksione mbi pronarët e fabrikës, JSC Alabuga apo kompanitë e lidhura me të, tha instituti për shkencat dhe sigurinë ndërkombëtare në raportin e tij. Shtëpia e bardhë dhe ambasada ruse dhe misioni i iranit në kombet e bashkuara nuk iu përgjigjën kërkesave për koment. Sipas raportit, një imazh satelitor i shtatorit, tregonte një ndërtim të ri në fabrikë, të lidhur direkt me një plan ndërtimi që uashington post e kishte ndarë më herët me institutin, këtë vit. Ndërtesa, sipas dokumenteve të tjera të siguruara, do të përdoret për prodhimin masiv të dronëve shahed 136 të iranit, përfshirë përmirësimin e proceseve iraniane të prodhimit dhe avancimin e kapaciteteve të dronëve. Imazhet satelitore tregojnë edhe ndërtimin e strukturave të tjera dhe perimetrave të rinj të sigurisë, të pajisura me pika kontrolli.