Administrata Biden planifikon ti shesë Ukrainës katër dronë MQ-1C Gray Eagle që mund të armatosen me raketa Hellfire për ti përdorur në luftime me rusinë. Kjo është konfirmuar për agjencinë e lajmeve Reuters nga tre burime të afërta me diskutimet. Shitja e dronëve të prodhuar nga General Atomics, mundet sidoqoftë të bllokohet nga kongresi pasi sipas burimeve, ekziston rreziku i një tërheqjeje në moment të fundit që do të conte në prishjen e planit që po shqyrtohet nga Pentagoni prej javësh. Ukraina ka përdorur disa lloje dronësh me rreze të shkurtër fluturimi kundër forcave ruse. Ato përfshijnë AeroVironment, RQ-20 Puma AE dhe dronët turq Bayraktar TB2. Por, Gray Eagle përfaqëson një avancim në teknologji sepse ai mund të fluturojë për 30 ose më shumë orë, në varësi të misionit dhe mund të mbledhë sasi më të mëdha të dhënash për qëllime inteligjence. Gray Eagles, versioni i ushtrisë amerikane i dronit më të njohur Predator, mund të mbajë deri në tetë raketa të fuqishme Hellfire.