Policia e Himarës ka arestuar dy persona, të cilët ju shisnin lëndë narkotike pushuesve në plazhet e jugut. Ata u arrestuan në dy operacione të ndryshme. Në kuadër të operacionit policor të koduar “Dhërmiu”, u arrestua në flagrancë 47 vjeçari Ardjan Duka, banues në Tiranë, (shtetas me precedentë të shumtë kriminal, për vepra penale si “Dhuna në familje”, “Prodhimi dhe shitja e narkotikëve”, “Plagosja e rëndë me dashje” dhe “Falsifikimi i monedhave”). Ky shtetas kishte përshtatur në bagazhin e automjetit me të cilin udhëtonte, një vend për fshehjen e lëndës narkotike. Gjatë kontrolleve u gjetën dhe u sekuestruan në cilësinë e provës materiale rreth 50 doza të dyshuara të lëndës narkotike kokainë, të cilat nga informacionet e siguruara nga inteligjenca policore, dyshohet se 47-vjeçari do t’i shiste në lokale nate, në Drimadhe, Dhërmi dhe Himarë”.