Ministria e Mbrojtjes e Rusisë tha mëngjesin e së hënës se i ka rrëzuar dy dronë mbi rajonin Tula, në jug të Moskës, por nuk specifikoi kohën apo vendin e saktë. “Mjete ajrore pa pilotë u shkatërruan nga forcat tona të mbrojtjes ajrore mbi territorin e rajonit Tula”, tha Ministria ruse të martën. Ajo nuk raportoi për viktima apo dëme. Më herët, Ministria raportoi se i kishte shkatërruar dy dronë mbrëmjen e të hënës mbi rajonin Belgorod, në kufi me Ukrainën. Nuk u raportua për viktima apo dëme. Agjencia shtetërore e lajmeve në Rusi, RIA Novosti, raportoi se aeroportet e Moskës, Vnukovo dhe Domodedovo, kanë kufizuar fluturimet mëngjesin e së martës. Kryeqyteti dhe rajonet tjera ruse kanë qenë shënjestra të sulmeve të njëpasnjëshme nga dronët ukrainas në javët e fundit, pasi Kievi u zotua në fillim të verës do t’i përgjigjet me luftë Rusisë. Ukraina ka nisur kundërofensicën e saj në fillim të verës pavarësisht se avancimet kanë qenë të kufizuara.