Trekëndëshi i dashurisë mes Antonelës, Ledianës dhe Mevlanit mesa duket po luhatet, kjo pasi në puntatën e kësaj të premteje e “Për’Puthen” dolën në pah plot të papritura. Lediana i kërkoi falje Mevlanit që në fillim të emisionit, por ai surprizoi Antonelën me një buqetë me trëndafila të kuq, ku bashkangjitur ishte një pusullë. “Antonela më fal për çdo herë kur të kam mërzit, ama nëse përfundimi do të jetë bashkë, do ta mbush çdo ditë me lule”, shkruhej në brendësi të pusullës. Antonela nuk ka mundur t’i mbaj lotët por pikërisht kjo situatë e ka prekur jo pak Ledianën, e cila tha se ndihej e tepërt dhe nuk mund ta shikonte takimin e Antonelës me Mevlanin. Por pas kësaj Lediana reagoi ashpër, madje, duke deklaruar largimin nga studio dhe përdorur termin e tepërt. “Jam e tepërt në këto momente, nuk dua fare të shoh takimin dhe kërkoj të largohem. Nuk mund ta shikoj….”! Kaq është dashur dhe Mevlani i shkoi nga pas, duke i kërkuar sqarime për reagimin. Por, këtu hyn në lojë edhe Antonela. Ajo menjëherë u hodh në veprim dhe shkoi ta merrte Mevlanin, duke thënë se takimi nuk mund të shfaqej për publikun pa prezencën e tij. “Nuk dua ta komentoj takimin pa Mevlanin, nëse më lejon dua të shkoj ta marr, të vijë këtu”… Pas kësaj historie që zgjati disa minuta, Mevlani dhe Lediana u rikthyen në studio. Kjo e fundit e justifikoi largimin e saj duke thëne se e kishte të pamundur ta ndiqte takimin e Mevlanit me Antonelën. Ajo shtoi se ka një pëlqim shumë të fortë për Mevlanin dhe se ishte prekur shumë nga gjesti i tij ndaj Antonelës.